Í samstarfi við Tanna travel höfum við geta boðið uppá skólaakstur í Náttúruskólann þátttakendum að kostnaðarlausu. Skólahópar hafa þá heimsótt okkur og átt skóladag út í náttúrunni t.d. Í Blöndalsbúð en þar er fyrirtaksaðstaða til að skapa spennandi og lærdómsríkar náttúruupplifanir fyrir nemendur á yngsta stigi, Í Hallormsstaðaskógi höfum við gjarnan boðið nemendum á miðstigi en þar eigum við skólarjóður og góð aðstaða fyrir náttúruskoðun og ýmiskonar áskoranir. Elstu árganga grunnskólans höfum við gjarnan fengið til okkar í Óbyggðasetrið og flettað saman náttúruupplifanir og-fræðslu, menningu og sögu óbyggðanna.

Hópefli, leikir, líf og fjör er svo alltaf ómissandi þáttur af öllum Náttúruskóladögum hvar sem þeir fara fram og auðvitað eldgrillaðar kræsingar líka.