Hestar
Í þessari smiðju fá börn og ungmenni að umgangast hesta, fara á bak, læra um hestana, t.d. þróunarsögu, skynfæri, liti, gangtegundur o.fl. Þau læra að teyma og margt fleira. Námskeiðið fer fram í fallegri náttúru og eftir kynningu eru hestarnir undirbúnir fyrir sameiginlega reið og farið er í göngutúr með 1-3 hesta. Þátttakendur skiptast á að fara á bak og hinir njóta útivistar á meðan.
Markmið
Að læra að umgangast hesta
Að upplifa líkamlega tengingu við hrossin með bættri hreyfigetu, hreyfihvatningu, þjálfun fín- og grófhreyfinga, jafvægi og líkamsflýti
Að upplifa tilfinningalega og vitræna tengingu við hrossin, með því að fá aukið sjálfstraust, sigrast á ótta og bæta einbeitingu
Að upplifa tengsl við aðra lifandi veru í náttúrunni
Að læra grundvallaratriði um þróunarsögu, eðli, skynfæri hestsins og eðlileg viðbrögð hans sem flótta- og hópdýr
Að læra um liti, fóðrun, stærð á mismunandi hestakynjum, heiti á helstu líkamshlutum
Að læra um gangtegundir og sérstöðu íslenska hestsins
Að læra hvernig á að umgangast hesta, kemba, taka upp hófa, teyma, finna og njóta hreyfinga hestsins
Að framkvæma jafnvægisæfingar á hestbaki og framkvæma byrjunaræfingar fyrir rétt taumhald og ásetu
-----------------------------------------
Hér má sjá tengingu milli smiðjunnar Hestar og hæfniviðmiða úr Aðalnámskrá grunnskóla fyrir 4., 7. og 10. bekk. Smiðjan tengir saman líkamlega, félagslega og tilfinningalega færni með náttúru- og dýranámi.