Jóladagur Náttúruskólans og Óbyggðasetursins

Notaleg fjölskyldusamvera þar sem við kynnumst og upplifum gamlar jólahefðir og jólaundirbúning. Þátttakendur fá að spreyta sig í að steypa tólgarkerti, skera laufabrauð, smíða jólatré, föndra og gæða sér á heitu súkkulaði og jólasmákökum. Viðburðurinn er styrktur af Barnamenningarsjóði og því er frítt inn EN við óskum eftir því að fólk sendi í skráningu á natturuskolinn@gmail.com til að hjálpa okkur að áætla fjölda og efnivið.