Fólkið

Skólastýra og Náttúruskóla-náttúrubarn inn að beini. Útivistareldhugi, félagsráðgjafi með áherslu á náttúrumeðferð, reynslu og ævintýri, fjallaleiðsögukona, landvörður, útivistarþjalfari og jogakennari.

Bjarki er einn af stofnendum og aðalleiðbeinendum Náttúruskólans. Hann hefur verið útivistar- og hjólreiðaþjálfari hjá Ungmennafélaginu Þristi í fjölda ára og starfaði sem foringi hjá Skátafélaginu Héraðsbúum 2010 til 2015.

Máni er gamall skáti (samt unglamb!) Máni starfar sem landvörður, er sjúkraflutningamaður og í björgunarsveit og elskar náttúruna. Hann er líka ómissandi instagramsnillingur og allsherjar reddari skólans. 

Denni er einn af stofnendum og hugmyndasmiðum Náttúruskólans og er einnig fyrrverandi eigandi Óbyggðasetursins. Hann situr í stjórn skólans. Það er óhætt að segja að Náttúruskólinn á útsjónarsemi og drifkraft Denna margtað þakka.

Lára er nýjasti meðlimur leiðbeinendahópsins og kemur sterk til leiks! Hún er búfræðingur að mennt og rekur geita- og fjárbú með foreldrum sínum. Velkomin í hópinn Lára!

Þórdís er fjallaleiðsögumaður með margra ára reynslu af starfi með börnum og unglingum til að mynda í skátum, skólum og ýmsu tómstundastarfi. Rauða hárið og krullurnar lýsa vel hennar stórskemmtilega karakter. 

Glói er náttúrubarn sem hefur lifað og hrærst í útivist frá því að hann man fyrst eftir sér. Hann er vikapiltur og liðléttingur skólans með meiru og er til aðstoðar í Útipúkum og í hinum ýmsu ævintýraferðum skólans.

Rökkvi er gamall skáti, mikill áhugamaður um náttúruna og skapandi fram í fingurgóma. Hann starfar sem landvörður á sumrin og skólaliði og borðtennis- og þjálfari á veturna. Rökkvi kemur að kennslu skólahópa og Útipúkanámskeiðum.

Elsa Guðný er ritari stjórnar, er ómissandi í auglýsingagerð og alls kyns snúningum í skólastarfinu. Reddari væri betra nafn en ritari.

Bylgja er kennari að mennt, hafsjór hugmynda og drífandi vítamínsprauta sem er ómissandi í starfi Náttúruskólans. 

Halldóra Dröfn er kennari að mennt en vinnur nú hjá Austurbrú t.d. í barnamenningarstarfi. Hennar reynsla kemur sér afar vel í mótun námsskrár Náttúruskólans og veita faglega ráðgjöf. 

Íris kemur með listsköpunina inn í starf Náttúruskólans. Hún er listmeðferðarfræðingur og kennari að mennt, náttúrubarn og virðist alltaf vera í góðu skapi !

Angelika kemur sterk inn á ýmis námskeið Náttúruskólan, hlypir börnum á hestbak og kennir þeim allt um undraheim hesta og reiðmennsku. 

Sæunn er býbóndi, þroskaþjálfi og kennari og kennir nemendum Náttúruskólans allt um heillandi og dularfulla samfélag býflugna.  

Ingibjörg er sjálfstætt starfandi umhverfisfræðingur. Hún er gjaldkeri stjórnar og hjálpar til við skipulag starfseminnar og líður hvergi betur en í víðáttunni í óbyggðum með gott kaffi.

Unnar er með mikla reynslu af útvist bæði sem leiðbeinandi og sem þátttakandi á yngri árum. Hann stundar núna nám í Líffræði í HÍ og stekkur inn í hin ýmsu verkefni skólans þegar hann er á svæðinu. 

Katla er einn af nýrri leiðbeinendum skólans og hefur stokkið inn í starfið af miklum krafti bæði í verkefnum hérna heima og erlendis. Hún er ljósmyndari skólans og finnst fátt skemmtilegra en að taka myndir úti í náttúrunni.

Míló starfar sem skólahundur, lukkudýr og gleðigjafi Náttúruskólans. Hann tekur þátt í hinum ýmsu  verkefnum skólans af lífi og sál. Míló er hvers manns hugljúfi og veit fátt betra en að leika og njóta úti í náttúrunni.