Nýtt útipúkanámskeið Þristar og Náttúruskólans

Útipúkanámskeið Þristar og Náttúruskólans slógu rækilega í gegn í haust. Öll námskeið fylltust á augabragði og biðlistar mynduðust. Við höfum því ákveðið að bjóða uppá aukanámskeið á miðvikudögum, frá og með desember og fram á vor. Um er að ræða fjölbreytt útivistarnámskeið fyrir börn á aldrinum 8-12 ára, þar sem áhersla er lögð á virkni, samvinnu, þekkingu á og virðingu fyrir náttúrunni, sköpun og gleði. Námskeiðið verður á miðvikudögum kl 17-18:30.

Mánuðir eru þemaskiptir og því hægt að skrá sig í stök námskeið eða vera með allan veturinn. Þemaskipting mánaða er svona, þó með fyrirvara um breytingar:

Desember - Jólaföndur og kertagerð

Janúar - Snjóævintýri, sleðaferðir, snjósköpun og fleira

Febrúar -Gönguskíði

Mars - Víkinganámskeið

Apríl - Listsköpun í náttúrunni

Maí - Villielduhúsið, útieldunarnámskeið.

Leiðbeinendur vetrarins verða okkar einstöku reynsluboltar þau; Hildur Bergsdóttir, Þórdís Kristvinsdóttir, Bjarki Sigurðsson, Sæunn Sigvaldadóttir og Ásmundur Máni Þorsteinsson auk aðstoðarfólks.