Útivistarstarf Náttúruskólans og UMF Þristar

Skráning er hafin í haust/vetrarnámskeið UMF Þristar & Náttúruskólans og fer fram á Abler undir Þristur.

Í vetur verða í boði þrír aldursflokkar:

Útípíslir 1.-2. bekkur - Þriðjudagar kl 14:30-16:00 í Selskógi

Útipúkar 3.-6. bekkur -Tveir hópar í boði annarsvegar á þriðjudögum kl 17-18:30 og hinsvegar á miðvikudögum á sama tíma

Nýjasta viðbótin okkar Útiverur 7.-10. bekkur

Útipíslir og Útipúkar verða með hefðbundnu sniði, þar vinnum við með ákveðið þema í hverjum mánuði:

September- Hjólreiðar og útivist

Okóber - Gönguferðir og útivist

Nóvember - Tálgun og handverk

Nóvember - Vetrarævintýraferð - fyrir þau sem hafa taka þátt í starfinu

Desember - Náttúrujólaföndur

Janúar - Gönguskíði

Febrúar - Sleðafjör

Mars - Náttúrulistsköpun

Apríl - Fornar verkaðferðir

Maí - útieldun og skýlagerð

Maí/Júní- Sumarævintýraferð fyrir þau sem hafa tekið þátt í starfinu.

Hægt er að velja staka mánuði eða allt tímabilið. Verð fyrir hvern mánuð er 20.000 kr.

ATH þeim sem vilja nýta tómstundastyrk sveitarfélagsins er bent á að hafa samband við Íþrótta- og tómstundafulltrúa Múlaþings.

Útiverur sem fara fram tvo fimmtudaga í mánuði kl 17-18:30 (á móti ungliðastarfi Björgunarsveitarinnar) fara að auki eina lengri ferð í mánuði ýmist dagsferðir eða yfir nótt. Verð per mánuð 25.000 kr.

Í þessum tímum verður tekist á við fjölbreytta og meira krefjandi útivist og farið dýpra í náttúruskoðun og -læsi. Við verðum í samstarfi við Björgunarsveitina á Héraði og Náttúrustofu Austurlands og fáum að kynnast þeirra störfum. En það verður líka nóg af leikjum og útivistargleði - nokkurskonar Útipúkar-Turbó

Þjálfarar í vetur verða Útivistarteymið okkar góða sem samanstendur af þrautreyndu útivistarfólki, fjallaleiðsögumönnum, skátaforingjum, landvörðum sem hafa séð um barna og unglingastarf sem þetta í ára raðir þau:

Þórdís Kristvinsdóttir, Bjarki Sigurðsson, Ásmundur Máni Þorsteinsson, Hildur Bergsdóttir, Sæunn Sigvaldadóttir og fleiri. Lesa má nánar um teymið okkar hér á síðunni undir Fólkið

Úti er ævintýri og við hlökkum til komandi hausts og vetrar.